Բագրատաշենի խնդրի մասին «Ա1+»-ի հրապարակումը ընթերցվեց ԱԺ-ում (տեսանյութ)
ՀԱԿ խմբակցության ղեկավար Լեւոն Զուրաբյանն այսօր ԱԺ-ում կարդաց «Ա1+»-ի հրապարակած այն նյութը, որ Բագրատաշենի անցակետում դիզվառելիքով բեռնված մեքենաներին թույլ չէին տվել մտնել Վրաստան: Նրա խոսքերով՝ ինքը բազմիցս խոսել է մենաշնորհների մասին, բենզինի դիզվառելիքի շուկայում: Նա հարցրեց՝ արդյո՞ք ուսումնասիրել ենք տվյալները, արդյո՞ք խոչընդոտել են, ո՞վ է խոչընդոտել, ովքեր են ասել, որ մոնոպոլիա է, արդյո՞ք հարցը լուծվել է վարչապետի զանգով: ՀՀ վարչապետ Հովիկ Աբրահամյանը ասաց, որ երեկ է ստացել նամակ եւ առաջիկա օրերին իրեն կզեկուցեն եւ որոշում կկայացնի: «Ես ինչքան հասկացա, նախնական արձագանք է, սպասելու ենք ամբողջ պարզաբանմանը՝ հասկանալու, թե ինչ վիճակ է տիրում մենաշնորհների առումով»,- ավելացրեց Լեւոն Զուրաբյանը: Իսկ Հովիկ Աբրահամյանն ավելացրեց, թե որեւէ ընկերությանը չի սահմանափակվում, եթե ցանկանում է հեղուկ դիզվառելիք ներմուծել, պարզապես ինչ -որ տեղ նորմատիվների խախտում է եղել եւ չկա մենաշնորհ:
