ԵԽ գլխավոր քարտուղարը` ԸՕ-ի մասին
Սահմանադրությունն ու Ընտրական օրենսգիրքը պետք է ընդունվեն կոնսենսուսով `ընդգրկելով բոլոր կուսակցություններին եւ քաղաքացիական հասարակությանը: ,- այսօր Ստրասբուրգում ասաց ԵԽ գլխավոր քարտուղար Թյոբորն Յագլանդը ի պատասխան ՀԱԿ խմբակցության ղեկավար Լեւոն Զուրաբյանի հարցին: Վերջինս ԵԽ գլխավոր քարտուղարին տեղեկացրեց, որ Հայաստանում նոր ԸՕ է ընդունվում առանց կոնսենսուսի: Ընդդիմությունը եւ քաղաքացիական հասարակությունը ներկայացրել է հինգ հիմնական պահանջ,սակայն իշխանությունները հրաժարվել են ընդունել դրանք։ Թյոբորն Յագլանդը նշեց, որ արդեն կոչ են արել Հայաստանի կառավարությանը այս կարեւոր փաստաթուղթն ընդունելիս գտնել կոնսենսուս, բայց դա կախված է նաեւ ընդդիմությունից ։ Կողմերը պետք է գտնեն ճանապարհ, որ թե մեծամասնությունը, թե ընդդիմությունը հնարավորություն ունենա արդար մրցակցության իշխանության համար։
