Լրագրողներին թույլ չեն տվել մասնակցել 4+4+4 ֆորմատով բանակցություններին
Այսօր, ժամը 16:00-ին, Ազգային ժողովում պետք է տեղի ունենար նոր ընտրական օրենսգրքի նախագծի շուրջ 4+4+4 ֆորմատով բանակցությունների հերթական հանդիպումը, որի ընթացքում պետք է շարունակվեր ընտրողների ստորագրած ցուցակների հրապարակման հարցի քննարկումը: Հիշեցնենք, որ ընդդիմությունը և քաղաքացիական հասարակությունը հանդես են եկել հինգ միասնական պահանջներով: ԱԺ անվտանգության ծառայությունը, սակայն, հայտարարեց, որ աշխատակազմից հրահանգ չունեն լրագրողներին ներս թողնելու։ Աշխատակիցներից մեկն ասաց, որ այսօր աշխատանքային օր չէ, լրատվական ծառայությունը ցուցակները չի իջեցրել։ Ներսում քննարկում են այսօրվա նիստը հետաձգելու նպատակահարմարությունը. հայտնում է մեր թղթակիցը։ Քաղաքացիական սեկտորը նշել է, որ լրագրողների բացակայությամբ նիստ անելու մասին իրենց ոչինչ չեն ասել։ Քիչ առաջ հայտնի դարձավ, որ նիստը մեկ ժամով հետաձգվում է ԶԼՄ-ների մուտքն ապահովելու խնդիրը կարգավորելու համար։
