«Շանթ Հարությունյան եւ ընկերներ» գործում առաջընթաց չկա
ՄԻԵԴ վարույթում գտնվող «Շանթ Հարությունյան եւ ընկերներ»-ը գործով դեռ նորություն չկա: Ինչպես նշեց գանգատ ներկայացրած պաշտպան Ինեսա Պետրոսյանը, սեպտեմբերի 15-ին գործը ներկայացվել էր Եվրոպական դատարան եւ 15 օրվա ընթացքում վարույթ էր ընդունվել: Հիշեցնենք, որ Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանը մեղավոր էր ճանաչել 2013 թ նոյեմբերի 5-ին Մաշտոցի պողոտայում խուլիգանություն եւ իշխանության ներկայացուցչի նկատմամբ բռնություն կատարելու համար։ Բացի Շանթ Հարությունյանից, գործով անցնում էին եւս 13 անձինք, որոնք մեղավոր են ճանաչվել եւ դատապարտվել տուգանքից մինչեւ 7 տարվա ազատազրկման: Գանգատը ներկայացվել է 11 անձի վերաբերյալ: Ինեսա Պետրոսյանը գանգատ ներկայացնելիս բարձրացրել էր արդար դատաքննության իրավունքի հարցը: Գործով դատավճիռը Կենտրոն եւ Նորք Մարաշ վարչական շրջանների ընդհանուր իրավասության դատարանի կողմից ներկայացվել է 2 ժամվա ընթացքում, երբ 134 հատորանոց գործ էր քննվում: Խախտվել է նաեւ որոշ ամբաստանյալների վերջին խոսքից օգտվելու իրավունքը: