Քրեական գործ՝ պատանու ինքնասպանության դեպքի առթիվ
ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում հարուցվել է քրեական գործ՝ 1998 թվականին ծնված տղայի մահվան դեպքի առթիվ: 2016 թվականի մարտի 3-ին՝ ժամը 16:25-ին, շտապօգնության ծառայությունից հաղորդում է ստացվել, որ Ավան-Առինջ թաղամասում երիտասարդի դի է հայտնաբերվել: Անմիջապես դեպքի վայր է մեկնել քննչական-օպերատիվ խումբը. հայտնաբերվել է 1998 թվականին ծնված երիտասարդի դի, ում 18 տարին պետք է լրանար մի քանի օրից: Դեպքի առթիվ Ավան և Նոր Նորք վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածով: Պարզվել է, որ տղան ունեցել է հոգեկան առողջության հետ կապված որոշ խնդիրներ և բուժում ստացել բժշկական վերականգնողական կենտրոնում։ Նշանակվել է դիակի դատաբժշկական փորձաքննություն, քննություն է տարվում ՝ պարզելու մահվան հանգամանքները, պատճառները։ Կատարվում է նախաքննություն: ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժին
