«Ինձ դարձրին գաղութի փոշի». Գասպարին ազատ է (տեսանյութ)
17. 10 «Ինձ դարձրին գաղութի փոշի»,- հիշելով ադրբեջանցի քաղբանտարկյալ Լեյլա Յունուսին՝ դատարանում հայտարարել է Վարդգես Գասպարին։
Հիշեցնենք, ժամը 16.30-ին Վարդգես Գասպարի փաստաբանները ստացել են դատարանի որոշումը, որով փոխվել էր նրա խափանման միջոցը։ Այսինքն՝ նա իր դեմ հարուցված քրեական գործով դատական նիստին մասնակցում էր այլ կարգավիճակով, թեեւ դատարան բերվել էր «Նուբարաշեն» ՔԿՀ-ից։
16.45 Դատարանի դահլիճում հավաքված քաղաքացիներն ակցիա են իրականացնում։ Դատավորն ընդմիջում հայտարարեց։
16.34 Վարդգես Գասպարիին քրեակատարողական հիմնարկից բերման են ենթարկել թիվ ԵՇԴ/0125/01/14 քրեական գործով նիստի:
Հենց այս գործով նիստերին Գասպարիի մասնակցությունը ապահովելու նպատակով էր կայացվել նրան կալանավորելու ապօրինի որոշումը, որը այսօր բեկանվեց ՀՀ քրեական վերաքննիչ դատարանի որոշմամբ: Նիստը պիտի տեղի ունենա ժամը 16:30-ին` Շենգավիթ վարչական շրջանի ընդհանուր իրավասության դատարանում, հասցե` Արշակունյաց 24/1: Այս մասին հայտնում է «Իրավունքի Եվրոպա» ՀԿ-ն։
