«Ազատության հրապարակում երկու արտառոց դեպք է տեղի ունեցել» (տեսանյութ)
Ընդդիմության միասնական շտաբի խոսնակ Վարուժան Ավետիսյանը նշում է, որ ոստիկանությունը ժողովրդին վատություն անելու տարեքի մեջ է: Սկզբից խոչընդոտել են Ազատության հրապարակում հովանոց տեղադրել, հետո իրերը տեղադրելու : «Չեն թողնում մեր մեքենան մոտենա եւ պլաստմասե աթոռները իջեցնեն»,- նշեց նա: Պարոն Ավետիսյանը ամփոփեց Ազատության հրապարակում անցկացրած օրը եւ նշեց, որ երկու արտառոց դեպք է գրանցվել Ազատության հրապարակում: «Մի լեյտենանտ, որը նախորդ օրը Գեւորգ Սաֆարյանին բերման ենթարկելիս անհամաչափ ուժ էր կիրառել, այսօր էլ է հարձակվել եւ գետնին գցել նրան»: Նրա խոսքերով՝ Գեւորգ Սաֆարյանը մենակ կանգնած է եղել արձանի մոտ: Երեւանի ոստիկանապետ Աշոտ Կարապետյանը հեռախոսազրույցում Վարուժան Ավետիսյանին հայտնել է, թե նա հայհոյել է, սակայն նման բան տեղի չի ունեցել: Ընդդիմության միասնական շտաբի խոսնակը նաեւ ավելացրեց, որ Երեւանի ոստիկանապետը հորդորել է Ազատության հրապարակում կայանված իրենց մեքենան տանել այնպիսի տեղ, որ չերեւա: Մեքենան տարվել է այլ վայր, սակայն դրանից հետո, ըստ Վարուժան Ավետիսյանի, փորձել են վնասել մեքենան: «Մենք գործ ունենք ցածր եւ փոքր մարդկանց հետ»,- նշեց նա եւ ավելացրեց, որ իրենց ոչինչ չի խանգարելու՝ նպատակին հասնելու համար:
