ԼԵՎՈՆ ԱՐՈՆՅԱՆԸ ՀԱՅԱՍՏԱՆԻ 2005Թ. ԼԱՎԱԳՈՒՅՆ ՄԱՐԶԻԿ
Աջակցիր «Ա1+»-ինԳրոսմայստեր Լեւոն Արոնյանը մարզական լրագրողների միջեւ անցկացված հարցման արդյունքում ճանաչվել է 2005թ. լավագույն մարզիկ: Հարցմանը մասնակցած բոլոր 37 լրագրողները իրենց հարցաթերթիկում առաջինը նշել են Արոնյանին, որն էլ 370 միավորով դարձել է լավագույնը:
Նման բացարձակ առավելություն լավագույն մարզիկը դեռ երբեք չէր ունեցել, սակայն, Լեւոնը դառնալով շախմատի աշխարհի գավաթակիր, ապացուցեց, որ իրոք լավագույնն է:
290 միավորով 2-րդ տեղը գրավել է 2005թ. ձյուդոյի Եվրոպայի չեմպիոն Արմեն Նազարյանը, իսկ լավագույն եռյակը 275 միավորով եզրափակել է նույնպես 2005թ. Եվրոպայի չեմպիոն հունա - հռոմեական ոճի ըմբիշ Մովսես Կարապետյանը:
Լավագույն տասնյակը ունի այսպիսի տեսք.
1. Լեւոն Արոնյան (շախմատ) - 370 միավոր
2. Արմեն Նազարյան (ձյուդո) - 290
3. Մովսես Կարապետյան (ըմբշամարտ) 275
4. Արտակ Մալումյան (բռնցքամարտ) 248
5. Մարտին Բերբերյան (ըմբշամարտ) 219
6. Նորայր Բախտամյան (հրաձգություն) 155
7. Լոման Ամոյան (ըմբշամարտ) 144
8. Աշոտ Դանիելյան (ծանրամարտ) 90
9. Լաերտ Ավագյան (սամբո) 67
10. Արսեն Մելիքյան (ծանրամարտ) - 63
Այս տարի որոշվել է նաեւ 2005թ. լավագույն թիմը: Այստեղ նույնպես պարզ էր, որ լավագույնը կճանաչվի շախմատի Հայաստանի հավաքականը, որը աշխարհի թիմային առաջնությունում գրավել էր 3-րդ հորիզոնականը: Բոլոր մարզական լրագրողները իրենց ձայնը տվել են շախմատի հավաքականին: