Ցուցարարները կաթվածահար են արել երթևեկությունը (տեսանյութ)
«Ոչ թալանին» նախաձեռնության անդամներն ու հարյուրավոր քաղաքացիներ երթով շարժվում էին դեպի Գլխավոր դատախազություն: Նրանք պահանջում են աշխատանքից հեռացնել և պատասխանատվության ենթարկել հունիսի 23-ին Բաղրամյան պողոտայում ցուցարարների և լրագրողների նկատմամբ բռնություն գործադրած ոստիկաններին:
Այս պահին նրանք գտնվում են Մաշտոցի պողոտա և Ամիրյան խաչմերուկի հատվածում ՝ նստելով գետնին և փակելով փողոցը:Նստացույցը նախօրոք պլանավորված չէր:
Նախաձեռնության անդամները պահանջում են նաև Կարեն Պետրոսյանի նկատմամբ Գյումրիում հարուցված քրեական գործի կարճում:
Նախաձեռնության անդամ Մաքսիմ Սարգսյանը լրագրողների հետ զրույցում շեշտում է.
«Այս բոլոր սրիկա –ոստիկանները, որոնք բռնություն ու ուժ են գործադրել քաղաքացիների նկատմամաբ՝ պետք է պատժվեն: Պահանջում ենք երաշխիքներ, որ այդ ոստիկանները կպատժեվեն»:
Նստացույցը վերհասկվում է բազմաթիվ ոստիկանների կողմից: Վերջիներից մեկը ակտիվիստ Մաքսիմ Սարգսյանի հետ զրույցում ասում է, որ նրանց նստացույցը օրինական չէ և պետք է բացեն ճանապարհը: Սակայն ցուցարարներն անդրդվելի են: Ասում են ՝ կբացեն ճանապարհը միայն այն դեպքում, երբ կստանան երախիշքներ:
