Անվտանգ երթեւեկություն` 29 րոպեով. ակցիա
Մայիսի 29-ին՝ ուրբաթ, ժամը 13:29,Վանաձորի, Գյումրիի, Արմավիրի ու Գավառի քաղաքացիական երիտասարդական կենտրոնները (ՔԵԿ) միաժամանակ կազմակերպել են ակցիա` քաղաքի բանուկ խաչմերուկներում պարզելով երթեւեկությունը կարգավորող նշաններ:
Մարզային կենտրոնների անդամներն ու վտանգավոր երթեւեկությամբ մտահոգ երիտասարդները, պարզելով լուսացույցերի ու հետիոտնային անցումների նշանները պատկերող պաստառներ, կանգնել են քաղաքի այն խաչմերուկներում, որտեղ չկան լուսացույցեր կամ գծանշված անցումներ: Ակցիայի մասնակիցները 29 րոպե «փոխարինել են» լուսացույցերին ու չգծանշված անցումներին՝ հետիոտների համար ապահովելով անվտանգ երթեւեկություն:
Ակցիայի նպատակն էր ուշադրություն հրավիրել խնդրի վրա՝ հորդորելով պատասխանատու կառույցներին երթեւեկությունը դարձնել անվտանգ:
ՔԵԿ անդամները հետևողական են լինելու խնդրի լուծմանը:
