A
A
Ավանում պայթյունի հետեւանքով տուժածը երեկ երեկոյան մահացել է
Ավանում երեկ տեղի ունեցած պայթյունի հետեւանքով վիրավորված 30-ամյա տղամարդը «Սուրբ Գրիգոր Լուսավորիչ» բժշկական կենտրոնում երեկ երեկոյան մահացել է: Այս մասին հայտնեցին բժշկական կենտրոնից։ Նաեւ հավելեցին, որ այսօր բակի մեկ այլ բնակչի են ընդունել՝ մի կնոջ, որը բողոքում է ուսագոտիների ցավից։ Կինը չի հիշում, թե ինչ է իրականում տեղի ունեցել։
Երեկ երեկոյան Երեւանի Ավան համայնքում գտնվող տներից մեկում պայթյուն էր տեղի ունեցել: Տունը փլուզվել էր, իսկ այնտեղ բնակվող 30-ամյա տղամարդը ծայրահեղ ծանր վիճակում տեղափոխվել էր հիվանդանոց: Ըստ մեր ունեցած տեղեկությունների՝ տղամարդն այդ տանը ապրել է վարձով։ Տարածքային կառավարման եւ արտակարգ իրավիճակների նախարարությունը դեպքի վերաբերյալ հայտնել է. «Ապրիլի 5-ին ժամը 18.55-ին ահազանգ է ստացվել, որ Ավան վարչական շրջանի 6-րդ փողոցի տներից մեկում գազի արտահոսքից տեղի է ունեցել կուտակում եւ պայթյուն` փլուզումով, կա տուժած»:
