«Երեք հրացանակիրները» հայուհուն հաջողություն են բերել
Մոսկվայում բնակվող Վերա Հովհաննիսյանը խոհարարների աշխարհի գավաթին իր «Երեք հրացանակիրները» ստեղծագործությամբ արժանացել է գլխավոր մրցանակին։ Այդ մրցանակը տրվում է միայն թիմային մասնակիցներին, սակայն այս տարի հայկական եռագույնը բարձրացրած Վերա Հովհաննիսյանի համար բացառություն է արվել։
«Երեք հրացանակիրներ»-ին պատրաստելու համար Վերան աշխատել է երկու ամիս։
Նա մասնագիտությամբ նկարչուհի է, բայց հրուշակեղենի աշխարհից հեռու իրեն ոչ մի վայրկյան չի պատկերացրել։
Հրուշակեղենի հայուհի վարպետն այսօր ցավով է նշում, բայց իր ապագան պատկերացնում է ՌԴ-ում։ Ընտանեկան բիզնես՝ հրուշակեղենի խանութից բացի, պատրաստվում է նաեւ ուսումնական կենտրոն բացել Մոսկվայում։
Այսօր Վերան Հայաստանում է՝ հատուկ իր ձեռքբերումները հայրենիքում ներկայացնելու համար։ Իսկ ավելի հեռահար ծրագրերի մեջ մտնում է հայկական թիմի հետ մրցույթի մասնակցելը։
