A
A
Հաղթեց միայն Սերգեյ Մովսեսյանը
Քաթարում աստիճանաբար թափ է հավաքում շախմատի Masters Open միջազգային մրցաշարը: Այսօր կայացած 3-րդ տուրում Հայաստանի յոթ պատվիրակներից հաջող հանդես եկավ միայն Սերգեյ Մովսեսյանը, որը սպիտակներով հաղթեց հնդիկ գրոսմայստեր Գոպալին: Մեր շախմատիստը վաստակեց 2,5 միավոր եւ ընդհուպ մոտեցավ մրցաշարի երեք առաջատարներին, որոնք 3-ական միավոր ունեն: Իսկ ահա մեր մյուս շախմատիստները այսօր չկարողացան գտնել հաղթանակի իրենց ուղին: Գրոսմայստերներ Վլադիմիր Հակոբյանը, Հրանտ Մելքումյանը, Հովհաննես Գաբուզյանը, Գաբրիել Սարգսյանը եւ Ռոբերտ Հովհաննիսյանը ոչ-ոքի խաղացին իրենց մրցակիցների հետ եւ հերթական կես միավորները կորցրին, իսկ ահա մեր միակ կին մասնակիցը՝ Էլինա Դանիելյանը, երկրորդ պարտությունը կրեց եւ էլ ավելի նահանջեց աղյուսակում:
