A
A
Ձմերուկները կլողան Կարապի լճում
«Երևանյան ամառ 2014» ծրագրի շրջանակներում այսօր՝ ժամը 18-ին Կարապի լճում կանցկացվի «Ձմերուկի» փառատոնը:
Բացի ձմերուկասերերից, միջոցառումն իր շուրջը կհավաքի նաև քարվինգի մասնագետներին, հայկական շոու-բիզնեսի հայտնի ներկայացուցիչներին և պարզապես՝ խաղերի ու մրցույթների սիրահարներին: Ողջ երեկոյի ընթացքում կհնչի երաժշտություն:
Միջոցառման ընթացքում ձմերուկի մատուցման ու դիզայնի յուրօրինակ տարբերակներ կառաջարկեն ֆուրշետային տարբեր ընկերություններ, որոնք հենց Կարապի լճի տարածքում տեղադրված տաղավարներում ձմերուկներից ինքնատիպ կոմպոզիցիաներ կպատրաստեն: Մասնակիցներին համեղ ու հյութեղ ձմերուկ կհյուրասիրեն շոու բիզնեսի ներկայացուցիչները, սիրված երգիչներն ու հաղորդավարները:
Միջոցառումը կազմակերպել է Երեւանի քաղաքապետարանը։
