Իշխանությունը թող չմոռանա, որ գյուղացին հեղափոխական գործիք ունի․ Հրաչ Բերբերյան (video)
Support A1+!«Հայաստանի ագրարագյուղացիական միավորում» ՀԿ-ի նախագահ Հրաչ Բերբերյանը վստահ է, որ Հայաստանում մի օր վերստին գյուղատնտեսության ոլորտը համակարգող առանձին նախարարություն է լինելու։ Ըստ նրա՝ արդեն իսկ պարզ է, որ այդ նախարարությունը պետք է մնար առանձին կառույց, ոչ թե միավորվեր Էկոնոմիկայի նախարարությանը։ «Ուրիշ ձրիակեր նախարարություններ կային, որոնք կարելի էր միավորել»,- ասում է նա։
Գյուղացին, նրա խոսքերով, շատ կուզենար իմանալ՝ ով է այդ նախագծի հեղինակը, քանի որ գյուղնախարարության ժամանակ գոնե գիտեր՝ ում մոտ գնալ, երբ խնդիր ուներ։
Հրաչ Բերբերյանը կարծում է, որ նախարարությունը փակելը հայկական նախագիծ չէր, քանի որ այդպես է եղել նաեւ Ուկրաինայում։ «Հայաստանի ագրարագյուղացիական միավորման» նախարարը թվարկում է բոլոր այն խնդիրները, որոնք ծառացած են գյուղացու առաջ թե նախորդ իշխանությունների եւ թե նոր իշխանությունների օրոք։ Հրաչ Բերբերյանը բոլոր իշխանություններին խորհուրդ է տալիս հիշել, որ գյուղացու համբերությունը եթե հատի, նա կօգտվի իր ունեցած հեղափոխական գործիքից՝ եղանից։
«Ես չէի ցանկանա»,- եզրափակում է նա։
Մանրամասները՝ տեսանյութում
