Ռուսաստանը պատժամիջոցներ է ընդունել ԱՄՆ-ի նկատմամբ
Ամերիկայի Ձայն Ռուսաստանն արձագանքել է Միացյալ Նահանգների կողմից ընդունված պատժամիջոցներին՝ արգելելով Ռուսաստանի արտադրության շարժիչները ԱՄՆ-ի ռազմական նպատակներով օգտագործումը, ինչպես նաև մերժելով Միացյալ Նահանգների դիմումը Միջազգային տիեզերակայանի շահագործումը 2020 թվականից հետո երկարաձգելու մասին: Բացի այդ, Ռուսաստանի փոխվարչապետ Դմիտրի Ռոգոզինի համաձայն, Ռուսաստանն այս տարվա հունիսի 1-ից դադարեցնում է ԱՄՆ-ի «GPS» կայանների աշխատանքը: Ռոգոզինի համաձայն, նման քայլերի Ռուսաստանը կարող է դիմել այն դեպքում, եթե չկարողանա համաձայնության հասնել Վաշինգտոնի հետ Ռուսաստանի «ԳԼՈՆԱՍՍ» համակարգի ցամաքային կայանների տեղադրման մասին, ինչի շուրջ բանակցությունները պետք է մեկնարկեն մոտակա ժամանակներում: Ռուսատանի փոխվարչապետը նշել է նաև, որ եթե բանակցություններն արդյունավետ չլինեն, ապա այս տարվա սեպտեմբերի 1-ից «GPS» կայանների աշխատանքը Ռուսաստանում կդադարեցվի ընդմիշտ:
