A
A
«Փյունիկը» պարտվեց Մոլդովայի ետնապահին
Փետրվարի 12-ին Անթալիայի ուսումնամարզական հավաքի շրջանակներում Երեւանի «Փյունիկն» Անթալիայում անցկացրած առաջին ստուգողական խաղում 0:3 հաշվով պարտվել է Մոլդովայի առաջնության ետնապահներից մեկին` «Կոստուլենիին»:
Այդ մասին տեղեկացնում է ակումբի պաշտոնական կայքը: Հաջորդ ստուգողական խաղում մեր թիմը ուժերը կչափի Բոսնիայի «Օլիմպիկի» հետ:
Անթալիայում «Փյունիկի» ուսումնամարզական հավաքին մասնակցում են երկու նոր խաղացողներ` կիսապաշտպան Կարեն Չոբանյանը եւ աջ պաշտպան Աշոտ Սարդարյանը:
Վերջինս ֆրանսիական «Նանսիի» սան է, իսկ Կարեն Չոբանյանը անգլիական «Բլեքպուլից» է:
Թիմի դարպասապահներին Անթալիայում մարզում է 57-ամյա մասնագետ Ալեքսեյ Չիստյակովը, որը նախկինում աշխատել է նախկին Դոնեցկի «Շախտյորում» եւ «Կրասնոդարում»:
