A
A
Լեւոն Արոնյանը ջախջախեց մրցակցին
Վեյք ան Զեեի շախմատի սուպերմրցաշարի 10-րդ տուրում գերազանց խաղաց մեր շախմատիստ Լեւոն Արոնյանը:
Չինացի գրոսմայստեր Վան Հաոյի հետ պարտիան նա շատ վստահ անցկացրեց, միջնախաղում երկու զինվոր շահեց, ապա անցողիկ զինվորի օգնությամբ մրցակցին ստիպեց 38-րդ քայլին վայր դնել զենքերը:
Լեւոն Արոնյանը վաստակած միավորների քանակը հասցրեց 6,5-ի եւ հավասարվեց երկրորդ տեղում ընթացող Վիշվանաթան Անանդին, որը այս տուրում ոչ-ոքի խաղաց: Աղյուսակը 7 միավորով գլխավորում է նորվեգացի Մագնուս Կառլսենը, որը այժմ խաղում է հոլանդացի Էրվին Լ՝Ամինի հետ:
Բ խմբի մրցաշարի միանձնյա առաջատար Սերգեյ Մովսեսյանը այս տուրում սպիտակներով ոչ-ոքի խաղաց ռուսաստանցի Դանիլ Դուբովի հետ: Նա վաստակեց 7 միավոր եւ շարունակում է զբաղեցնել առաջին տեղը:
