A
A
Համեստ արդյունքներ Պեկինում
Պեկինում ընթացող համաշխարհային մտավոր խաղերում կայացան արագ եւ կայծակնային շախմատի մրցաշարերը:
Գրոսմայստեր Լեւոն Արոնյանը տղամարդկանց արագ շախմատում 7 հնարավորից վաստակեց ընդամենը 2,5 միավոր (5 ոչ-ոքի) եւ 16 մասնակիցների մեջ զբաղեցրեց 13-րդ տեղը: Շախմատիստուհիների նմանատիպ մրցումներում մեր Էլինա Դանիելյանը 3,5 միավորով (3 հաղթանակ, 1` ոչ-ոքի) 8-րդը ճանաչվեց:
Այսօր անցկացված կայծակնային շախմատի մրցումներում Լեւոն Արոնյանը 16 հնարավորից վաստակեց 9 միավոր եւ եւս երկու մասնակիցների հետ բաժանեց 3-5-րդ տեղերը: Լրացուցիչ հաշվարկներով մեր շախմատիստը գրավեց 4-րդ տեղը:
Կանանց մրցումներում Էլինա Դանիելյանը վաստակեց ընդամնեը 6 միավոր եւ մրցաշարն ավարտեց 13-րդ հորիզոնականում:
Դեկտեմբերի 18-ին եւ 19-ին տեղի կունենան կույր շախմատի մրցաշարերը:
