Շանհայում սպառնացել են Ռոջեր Ֆեդերերին
Թենիսի Շանհայի միջազգային մրցաշարի կազմակերպիչները լրջորեն մտահոգված են աշխարհի առաջին ռակետ Ռոջեր Ֆեդերերի անվտանգությամբ:
Տեղի կայքերից մեկում անհայտ բլոգերը լուր է տարածել, որ մահափորձ է պատրաստում շվեյցարացի թենիսիստի հանդեպ. «Հոկտեմբերի 6-ին ես ծրագրել եմ սպանել Ռոջեր Ֆեդերերին, որպեսզի վերացնեմ թենիսը» - գրել է բլոգերը:
Կայքից օգտվողը միաժամանակ նկար է տեղադրել, որտեղ թենիսիստը ծնկի է եկած կորտի մեջտեղում, իսկ դահիճը պատրաստվում է կացնով կտրել գլուխը:
Շանհայի ոստիկանությունը այդ լուրը ստանալուց հետո ուժեղացրել է Ռոջեր ֆեդերերի հանդեպ հսկողությունը:
«Մենք կապվել ենք ոստիկանության հետ եւ պայմանավորվել անվտանգությունը ուժեղացնելու հարցում: Հսկողությունը կուժեղացվի նաեւ մյուս մասնակիցների հանդեպ» - ասել է մրցաշարի կազմկոմիտեի անդամ Յան Իբինը:
