A
A
Հաղթեցին նույն 3:1 հաշվով
Շախմատի Հայաստանի հավաքականները հաղթանակով սկսեցին ելույթները Ստամբուլում մեկնարկած օլիմպիադայում:
Մեր տղամարդկանց ընտրանին 1-ին տուրում 3:1 հաշվով առավելության հասավ Բոլիվիայի թիմի նկատմամբ: Հաղթանակի սկիզբը դրեց Հայաստանի ընտրանու պահեստային խաղացող Տիգրան Լ. Պետրոսյանը, իսկ շարունակեցին Գաբրիել Սարգսյանն ու Վլադիմիր Հակոբյանը: Իսկ ահա Սերգեյ Մովսեսյանը, որն այս խաղում ստանձնել էր առաջատարի դերը, քանի որ գլխավոր մարզիչը հանգիստ էր տվել Լեւոն Արոնյանին, պարտվեց իր մրցակցին:
Հայաստանի կանանց հավաքականը անդրանիկ խաղում նույն 3:1 հաշվով պարտության մատնեց Հորդանանի ընտրանուն: Մեր թիմին միավորներ բերեցին Լիլիթ Մկրտչյանը, Մարիա Կուրսովան եւ Աննա Հայրապետյանը, իսկ ահա Լիլիթ Գալոյանը պարտություն կրեց:
