A
A
Մարիա Գեւորգյանը լավագույնն է Եվրոպայում
Հայաստանի 18-ամյա շախմատիստուհի Մարիա Գեւորգյանը հաղթող է ճանաչվել Եվրոպայի արագ շախմատի առաջնությունում, որը անցկացվեց Բոսնիայի եւ Հերցեգովինայի Բանյա Վրուչիցա քաղաքում:
Վեց տուրից բաղկացած մրցաշարում մեր ներկայացուցիչը վաստակեց 5,5 միավոր եւ վստահ գրավեց առաջին տեղը:
Մարիա Գեւորգյանը միաժամանակ դարձավ Եվրոպայի բացարձակ չեմպիոնուհի` հաղթելով նաեւ սուպերմրցաշարում: Եզրափակիչում նա 2:1 հաշվով պարտության մատնեց Հունգարիայի ներկայացուցիչ, 12-ամյա Աննամարիա Մարյանովիչին:
Եվրոպայի կայծակնային շախմատի առաջնությունում Մարիա Գեւորգյանը 9 հնարավորից վաստակեց 6,5 միավոր եւ զբաղեցրեց 2-րդ տեղը: Չեմպիոնի կոչումը նվաճեց ռուսաստանցի Յանա Հաֆիզովան:
