Մեկ հաղթանակ, մեկ պարտություն
Գրոսմայստեր Էլինա Դանիելյանը առաջին հաղթանակը տարավ Ջերմուկում տեղի ունեցող կանանց շախմատի ՖԻԴԵ-ի Մեծ մրցանակի մրցաշարում:
3-րդ տուրի պարտիայում մեր շախմատիստուհին սպիտակներով առավելության հասավ մրցաշարիառաջատարներից մեկի` հնդկուհի Հումփի Կոներուի նկատմամբ:
Մեր երկրորդ մասնակից Լիլիթ Մկրտչյանը կրկին անհաջողության մատնվեց` սեւերով զիջելով չինուհիՌուան Լուֆեյին:
Երեք տուրից հետո Էլինա Դանիելյանը վաստակել է 1,5 միավոր եւ զբաղեցնում է 7-րդ տեղը, իսկ Լիլիթ Մկրտչյանը 0,5 միավորով ընթանում է նախավերջին 11-րդ հորիզոնականում: Աղյուսակը գլխավորում են չինուհիներ Ռուան Լուֆեյին եւ Յու Վենյունը, որոնք իրենց ակտիվում ունեն 2,5-ական միավոր:
Հուլիսի 20-ին կայանալիք 4-րդ տուրում Էլինա Դանիելյանը կմրցի վրացուհի Նինո Խուրցիձեի հետ, իսկ Լիլիթ Մկրտչյանի մրցակիցը կլինի Եկատերինա Կովալեւսկայան:
