A
A
Հայաստան - Չինաստան` 0:2
Ջերմուկում ընթացող ՖԻԴԵ-ի կանանց շախմատի Մեծ մրցանակի 2-րդ տուրում մեր շախմատիստուհիները մրցեցին Չինաստանի ներկայացուցիչների հետ:
Էլինա Դանիելյանը սեւ խաղաքարերով պարտվեց Ժու Վենժունին, իսկ Լիլիթ Մկրտչյանը սպիտակներով զիջեց աշխարհի չեմպիոնուհի Հու Յիֆանին:
Երկու տուրից հետո աղյուսակը 2-ական միավորով գլխավորում են Ժու Վենժուն եւ հնդկուհի Հումփի Կոներուն: Էլինա Դանիելյանը եւ Լիլիթ Մկրտչյանը վաստակել են 0,5 միավոր եւ միասին բաժանում են 8-9-րդ տեղերը:
Վաղը կկայանան 3-րդ տուրի պարտիաները: Էլինա Դանիելյանը կհանդիպի Հումփի Կոներուի հետ, իսկ Լիլիթ Մկրտչյանի մրցակիցը կլինի չինուհի Ռուան Լուֆեյը, որը 1,5 միավոր է վաստակել:
