Պորտուգալիան դեմ է թուրք մրցավարին
Եվրո-2012-ի կիսաեզրափակիչ փուլ մտած Պորտուգալիան դժգոհ է ՈՒԵՖԱ-ի նախագահ Միշել Պլատինիից:
Այդ երկրի ֆուտբոլի ֆեդերացիային զայրացրել է այն փաստը, որ առաջիկա հանդիպման գլխավոր մրցավար է նշանակվել թուրք Ջունեյդ Չաքըրը:
«Առաջնությանը չմասնակցող երկրներից ավելի լավ թեկնածուներ կային: Նրանք իրենց կարգով ավելի բարձր են, քան թուրք մրցավարը» - հայտարարել է Պորտուգալիայի ՖՖ-ի ներկայացուցիչը:
«Իսպանիայի հավաքականում ամենավտանգավորը ... Միշել Պլատինին է» - հեգնանքով գրել է պորտուգալական թերթերից մեկը:
Ի դեպ, ՈՒԵՖԱ-ի նախագահը իր բազմաթիվ հարցազրույցներում նշել է, որ Եվրո-2012-ի եզրափակիչում հավանաբար կհանդիպեն Իսպանիայի եւ Գերմանիայի հավաքականները:
Նշենք, որ Եվրոպայի առաջնության Պորտուգալիա - Իսպանիա կիսաեզրափակիչ առաջին հանդիպումը տեղի կունենա հունիսի 27-ին`Դոնեցկում:
