Իտալիան դժգոհ է ՈՒԵՖԱ-ից
Իտալիայի հավաքականի գլխավոր մարզիչ Չեզարե Պրանդելին քննադատել է ՈւԵՖԱ-ին` Եվրո-2012-ի խաղացանկի համար:
«ՈՒԵՖԱ-ն պետք է վերանայի Եվրոպայի հաջորդ առաջնության մրցակարգը, հակառակ դեպքում կտուժի մրցաշարի խաղամակարդակը»:
Իտալացի մասնագետին զայրացրել է այն փաստը, որ Գերմանիայի հետ կիսաեզրափակիչ խաղից առաջ մրցակիցը ավելի շատ ժամանակ է ունեցել պատրաստվելու եւ ուժերը վերականգնելու համար, քան իր թիմը:
Բանն այն է, որ գերմանացիները քառորդ եզրափակիչ խաղն անցկացրել են հունիսի 22-ին, իսկ իտալացիները` հունիսի 24-ին: Կիսաեզրափակիչ խաղը նախատեսված է հունիսի 27-ին
Ի դեպ, անհավասար վիճակում է գտնվում նաեւ Իսպանիայի հավաքականը, որը Պորտուգալիայի ընտրանու համեմատ նույնպես քիչ է հանգստացել, սակայն թիմի գլխավոր մարզիչ Վիսենտե Դել Բոսկեն ընդհանրապես չի անդրադարձել այդ հարցին:
