A
A
Եռիշխանություն Ջերմուկում
Ջերմուկում շարունակվում է շախմատի Կարեն Ասրյանի անվան հուշամրցաշարը:
Արդեն կայացած չորս տուրից հետո 3,5-ական միավորով 1-3-րդ տեղերը բաժանում են գրոսմայստերներ Տիգրան Քոթանջյանը, Հրայր Սիմոնյանը (երկուսն էլ Հայաստան) եւ Դավիթ Հարությունյանը (Վրաստան): Առաջատար եռյակից կես միավոր քիչ ունեն 9 մասնակից, որոնցից 6-ը Հայաստանից են:
Կին շախմատիստներից առավել հաջող հանդես է գալիս Իսպանիան ներկայացնող վրացուհի Անա Մատնաձեն, որը իր ակտիվում ունի 3 միավոր: Մեր Լիլիթ Մկրտչյանը նրանից ետ է մնում կես միավորով:
Այսօր նախատեսված 5-րդ տուրում Տիգրան Քոթանջյանը կմրցի Դավիթ Հարությունյանի հետ, իսկ Հրայր Սիմոնյանի մրցակիցը կլինի մեր գրոսմասյտեր Հրանտ Մելքումյանը: Անա Մատնաձեն ուժերը կչափի Սամվել Տեր-Սահակյանի հետ:
