A
A
ՀԱՕԿ-ը վազելու է հրավիրում
Հայաստանի ազգային օլիմպիական կոմիտեի նախաձեռնությամբ հունիսի 24-ին Երեւանում կանցկացվի միջազգային օլիմպիական օրվան եւ Լոնդոնի օլիմպիական խաղերին նվիրված վազքարշավ: Այդ մասին տեղեկացնում է ՀԱՕԿ-ի մամուլի ծառայությունը:
Միջոցառմանը կարող են մասնակցել 13-ից բարձր տարիք ունեցող վազքասերները: Երթուղին նույնն է, ինչպես անցած տարի էր. Հանրապետության հրապարակ -Ամիրյան փողոց - Մաշտոցի պողոտա - ստորգետնյա անցում - Հաղթանակի կամուրջ - Հրազդան մարզադաշտի հարավային տրիբունայի հրապարակ:
Վազքարշավ-2012-ին մասնակցելու ցանկացողները պետք է դիմեն ՀԱՕԿ-ին` ներկայացնելով անձնագիր եւ տեղեկանք առողջության մասին:
