A
A
Հրանտ Մելքումյանը պահպանեց առաջին տեղը
Գրոսմայստեր Հրանտ Մելքումյանը շարունակում է գլխավորել Սարաեւոյում (Բոսնիա) անցկացվող շախմատի ավանդական միջազգային մրցաշարի աղյուսակը:
Երեկ կայացած երկու տուրում մեր շախմատիստը նախ սպիտակներով հաղթեց խորվաթ Զդենկո Կոզուլին, ապա սեւերով ոչ-ոքի խաղաց հունգարացի Վիկտոր Էրդոսի հետ:
Վեց տուրից հետո Հրանտ Մելքումյանը վաստակել է 5,5 միավոր եւ վստահ զբաղեցնում է առաջին տեղը: Նրան հաջորդող չորս շախմատիստները ունեն 4,5-ական միավոր:
Այսօր կայանալիք 7-րդ տուրում Հրանտ Մելքումյանը սպիտակներով կմրցի իսրայելցի Եվգենի Պոստնիի հետ:
Նշենք, որ մրցաշարը անցկացվում է շվեյցարական մրցակարգով, 9 տուրով:
