A
A
Հրանտ Մելքումյանը՝ միանձնյա առաջատար
Հայ գրոսմայստեր Հրանտ Մելքումյանը գերազանց է մեկնարկել Սարաեւոյում (Բոսնիա) անցկացվող շախմատի ավանդական միջազգային մրցաշարում:
Չորրորդ տուրում մեր շախմատիստը, հաղթելով սերբ Ալեքսանդր Կովաչեւիչին, վաստակեց 4 միավոր եւ սկսեց միանձնյա գլխավորել աղյուսակը: Նրան հաջորդող 7 շախմատիստները ունեն 3-ական միավոր:
Այսօր նախատեսված 5-րդ տուրում Հրանտ Մելքումյանը սպիտակներով կմրցի իրեն հետապնդողներից մեկի՝ խորվաթ Զդենկո Կոզուլի հետ:
Նշենք, որ մրցաշարը անցկացվում է շվեյցարական մրցակարգով, 9 տուրով:
