Ֆուտբոլին երկու վտանգ է սպառնում
ՖԻՖԱ-ի նախագահ Զեպ Բլատերը Թուրքիայում ընթացող ՈՒԵՖԱ-ի համաժողովի ժամանակ հայտարարել է, որ ֆուտբոլին երկու վտանգ է սպառնում:
«Մենք պետք է զգույշ եւ զգոն լինենք: Այս երկրում նույնպես գործ են ունեցել պայմանավորված խաղերի եւ անլեգալ խաղադրույքների հետ: Մենք պետք է համատեղ պայքարենք այդ երեւույթների դեմ»,-ասել է նա։
Համաժողովին հրավիրված Թուրքիայի վարչապետ Ռեջեպ Թայիպ Էրդողանը շարունակելով թեման, ասել է, որ իրենք ամեն ինչ անում են եւ անելու են պայմանավորված խաղերը վերացնելու համար:
Ուշագրավն այն է, որ անցած տարվա ամռանը կասկածանք են հարուցել հենց Թուրքիայի առաջնության 19 խաղերը: Տեղի ոստիկանությունը հարցաքննել է 80 մարդու, այդ թվում ֆուտբոլիստների, մարզիչների եւ ակումբների ղեկավարների: Նրանցից 30-ը ներկայումս ձերբակալված են եւ սպասում են դատավարությանը: Նրանց թվում է նաեւ «Ֆեներբախչե» ակումբի նախագահ Ազիզ Իլդիրիմը:
