A
A
Հայաստան – Սերբիա` 0:2
Ֆուտբոլի Հայաստան հավաքականը այսօր ընկերական խաղում պարտվեց Սերբիայի ազգային թիմին:
Կիպրոսի Լիմասոլ քաղաքում կայացած մրցավեճի առաջին կեսում սերբերը տարածքային առավելություն ունեին: Նրանք երկու անպատասխան գոլ խփեցին եւ հաղթանակ տանելու լուրջ հայտ ներկայացրին:
Երկրորդ խաղակեսը մեր ֆուտբոլիստները ավելի վստահ անցկացրին եւ մի քանի վտանգավոր պահեր ստեղծեցին, սակայն նրանց հարվածները հիմնականում շեղ էին, իսկ մի դեպքում սերբերին փրկեց դարպասաձողը:
Այդպիսով, Հայաստանի հավաքականը 0:2 հաշվով պարտություն կրեց այս տարվա առաջին խաղում:
Վաղը մեր ընտրանին նույն մարզադաշտում կհանդիպի Կանադայի ազգային թիմի հետ:
