Ադրբեջանական ակումբը դժգոհ է ռուս մարզիչից
Ֆուտբոլի ռուսաստանցի մասնագետ Սերգեյ Յուրանը ազատվել է ադրբեջանական «Սիմուրգ» թիմի գլխավոր մարզչի պաշտոնից:
Զաքաթալի քաղաքը ներկայացնող ակումբի ղեկավարությունը այդպիսի որոշում է կայացրել այն բանի համար, որ մարզիչն իբր չի կատարել իր առջեւ դրած խնդիրը: «Սիմուրգը» չնայած համալրված է մեծ թվով արտասահմանցի խաղացողներով, սակայն Ադրբեջանի առաջնությունում զբաղեցնում է 9-րդ տեղը եւ արդեն դուրս է մնացել առաջին վեցյակի ցանկից, եւ չի կարողանալու շարունակել պայքարը չեմպիոնի կոչման համար:
Ադրբեջանական ակումբի ղեկավարությունը դեռեւս պաշտոնապես չի հայտարարել Սերգեյ Յուրանի պաշտոնանկության մասին, սակայն ռուսատանցի մասնագետը այլեւս չի մարզում թիմը:
Հավելենք, որ «Սիմուրգի» հիմնադրումից հետո, թիմի գլխավոր մարզիչների պաշտոնում աշխատել են միայն արտասահմանցի մասնագետներ` երեք ուկրաինացի, երկու մակեդոնացի եւ ռուսաստանցի:
