Մնացին առանց մրցանակների
Մոսկվայում ավարտված «Աերոֆլոտ-օփեն» շախմատային փառատոնում մեր շախմատիստներին չհաջողվեց մրցանակային տեղ զբաղեցնել երեք մրցաշարերում:
A խմբում հանդես եկող գրոսմայստեր Հրանտ Մելքումյանը 6 միավորով զբաղեցրեց 7-րդ տեղը: Միջազգային վարպետ Կարեն Հ. Գրիգորյանը մրցաշարն ավարտեց 22-րդ, իսկ գրոսմայստեր Վլադիմիր Հակոբյանը` 24-րդ տեղում (երկուսն էլ վաստակեցին 5,5 միավոր): Մեր երեք շախմատիստներն էլ արժանացան դրամական պարգեւի:
B խմբում 9-11-րդ տեղերը զբաղեցրին համապատասխանաբար Հովիկ Հայրապետյանը, Հովհաննես Գաբուզյանը եւ Տիգրան Քոթանջյանը: Նրանք 9 հնարավորից վաստակեցին 6-ական միավոր: Նրանք նույնպես դրամական պարգեւ ստացան:
C խմբում բոլորից հաջող հանդես եկավ մեր հայենակից Էդուարդ Բարսամյանը, որը ներկայացնում է Ռուսաստանը: Նա 7 միավորով գրավեց 4-րդ տեղը` բրոնզե մեդալակրին զիջելով ընդամենը լրացուցիչ գործակիցներով:
