A
A
Լեւոն Արոնյանը հաղթեց Գելֆանդին
Հոլանդիայում շարունակվող Վեյք ան Զեեի շախմատային փառատոնի A խմբի մրցաշարի 12-րդ տուրում Լեւոն Արոնյանը սեւերով գեղեցիկ հաղթանակ տարավ իսրայելցի Բորիս Գելֆանդի նկատմամբ:
Մեր շախմատիստը պարտիայի վերջում հաշվենկատ քայլերով մրցակցին ստիպեց զինվորներ զոհաբերել: 53-րդ քայլից հետո աշխարհի չեմպիոնի կոչման հավակնորդը կանգնեցրեց ժամացույցը եւ ընդունեց իր պարտությունը:
Այս հաղթանակից հետո Լեւոն Արոնյանը վաստակեց 8,5 միավոր եւ միայնակ հաստատվեց առաջին տեղում: Նրան հաջորդող նորվեգացի Մագնուս Կառլսենը եւ ադրբեջանցի Թեյմուր Ռաջաբովը 7,5-ական միավորով բաժանում են 2-3-րդ տեղերը:
Վաղը կայանալիք վերջին, 13-րդ տուրում, Լեւոն Արոնյանը սպիտակներով կմրցի Թեյմուր Ռաջաբովի հետ:
