A
A
Ձյուդոիստների զանգվածային թունավորում
Բելառուսում գտնվող Ռուսաստանի ձյուդոյի պատանեկան թիմը ողջ կազմով հոսպիտալացվել է:
Ինչպես տեղեկացնում է այդ երկրի արտակարգ իրավիճակների նախարարության մամուլի ծառայությունը, հունվարի 9-ի գիշերը 13 պատանի ձյուդոյիստներ սննդային թունավորմամբ տեղափոխվել են Լյախովիչի քաղաքային հիվանդանոց:
Պարզվում է, որ Ռուսաստանի ձյուդոյի պատանեկան թիմը, որն այս օրերին ուսումնամարզական հավաք է անցկացնում տեղի մանկապատանեկան մարզադպրոցում, սննդի հարցը լուծելու համար օգտվել է մասնավոր սրճարանի ծառայությունից:
