Լիոնել Մեսին` աշխարհի լավագույն ֆուտբոլիստ
ՖԻՖԱ-ի եւ «Ֆրանս Ֆուտբոլի» հարցման արդյունքներով 2011 թվականի աշխարհի լավագույն ֆուտբոլիստ է ճանաչվել արգենտինացի Լիոնել Մեսին: Իսպանական «Բարսելոնայի» հարձակվողը միավորներով առաջ է անցել իր թիմակից Խավիից եւ Մադրիդի «Ռեալի» պորտուգալացի հարձակվող Քրիստիանո Ռոնալդուից: Ի դեպ, Լիոնել Մեսին երրորդ տարին անընդմեջ արժանացավ այդ պատվավոր մրցանակին:
«Բարսելոնայի» գլխավոր մարզիչ Խոսեպ Գվարդիոլան հռչակվել է տարվա լավագույն մարզիչ:
ՖԻՖԱ-ն հրապարակել է նաեւ 2011 թ խորհրդանշական հավաքականի կազմը: Դրանում ընդգրկված խաղացողներից 9-ը հանդես են գալիս Իսպանիայի, իսկ 2-ը` Անգլիայի առաջնությունում:
Դարպասապահ` Իկեր Կասիլյաս
Պաշտպաններ` Դանի Ալվեշ, Ժերարդ Պիկե, Սերխիո Ռամոս, Նեմանյա Վիդիչ
Կիսապաշտպաններ` Անդրեաս Ինյեստա, Խավի, Խաբի Ալոնսո
Հարձակվողներ` Քրիշտիանու Ռոնալդու, Ուեյն Ռունի, Լիոնել Մեսի
2011 թվականի լավագույն ֆուտբոլիստուհի է ճանաչվել ճապոնուհի Խոմարե Սավան:
