A
A
Մնացել է 200 օր
2012 թվականի գլխավոր սպորտային իրադարձության` Լոնդոնի ամառային օլիմպիական խաղերի մեկնարկին մնացել է ուղիղ 200 օր:
Ինչպես հայտնի է, խաղերը կսկսեն հուլիսի 27-ին եւ կտեւեն մինչեւ օգոստոսի 12-ը: 26 մարզաձեւերի մրցումներին կմասնակցեն 14 հազար մարզիկ-մարզուհիներ, որոնք կխաղարկեն 302 կոմպլեկտ մեդալներ:
Այս պահին լոնդոնյան օլիմպիադային մասնակցելու իրավունք ունեն 144 երկրների ներկայացուցիչներ: Հայաստանը առայժմ նվաճել է 10 օլիմպիական ուղեգիր:
Ի դեպ, բրիտանական լրատվամիջոցները նշում են, որ Լոնդոնի ոստիկանությունը խաղերի մեկնարկից 200 օր առաջ անցկացրել է անվտանգության հետ կապված հերթական ուսումնական միջոցառումը` «Օլիմպիական» մարզադաշտում վնասազերծելով «ահաբեկիչների տեղադրած ռումբը»:
