A
A
Կասկածում են ՖՖ-ի նախագահին
Իսրայելի ֆուտբոլի ֆեդերացիայի նախագահ Ավի Լուզոնին կասկածում են պայմանավորված խաղեր կազմակերպելու մեջ: Այդ մասին տեղեկացնում է Reuters-ը:
Բացի այդ, ոստիկանությունը նրան մեղադրում է նաեւ պաշտոնի չարաշահման եւ ֆինանսական մեքենայությունների համար:
«Լուզոնին մոտ ութ ժամ հարցաքննել են պայմանավորված խաղերի եւ ղեկավար այրերի կողմից դրանց միջամտելու կապակցությամբ»,- լրատվամիջոցներին ասել է ոստիկանության ներկայացուցիչ Միկի Ռոզենֆելդը:
Ավի Լուզոնը հարցաքննումից հետո ազատ է արձակվել, սակայն մինչեւ հետաքննության ավարտը նա գտնվելու է իրավապահների հսկողության տակ:
