Մեր ֆուտբոլիստն աշխատում է բանկում
Հայաստանի հավաքականի նախկին հարձակվող Անդրեյ Մովսիսյանը օրինաչափ է համարում մեր ազգային թիմի ցույց տված արդյունքները` Եվրո-2012-ի ընտրական մրցաշարում, իր խմբում գրավելով 3-րդ տեղը:
«Երբ ես դեռ հանդես էի գալիս հավաքականի կազմում, Հայաստանում արդեն նպատակադրված աշխատանքներ էին տանում երիտասարդ ֆուտբոլիստներ պատրաստելու ուղղությամբ: Մասնագետներ էին կանչում Իսպանիայից (Մովսիսյանը հավանաբար նկատի ունի իսպանախոս արգենտինացի մարզիչներին,-խմբ.), Հոլանդիայից, Ռումինիայից:
Ներկայիս գլխավոր մարզիչ Վարդան Մինասյանն այն ժամանակ նրանց օգնականներից մեկն էր: «Ըստ իս, այդ ընթացքում նա լավ փորձ է ձեռք բերել եւ սկսել է ժամանակակից եղանակներով պատրաստել երիտասարդ ֆուտբոլիստներին» - ռուսական լրատվամիջոցներին տված հարցազրույցում հայտարարել է 36-ամյա նախկին ֆուտբոլիստը:
Անդրեյ Մովսիսյանի կարծիքով, Հայաստանի հավաքականի ֆուտբոլիստները մեծ ներուժ ունեն եւ առաջիկա տարիներին կշարունակեն բարձրացնել իրենց որակները:
Նշենք, որ Անդրեյ Մովսիսյանն այժմ աշխատում է բանկային համակարգում, իսկ ազատ ժամերին խաղում է բանկի Մոսկվայի մարզի սիրողական թիմում:
