A
A
Եվրո-2012-ին կխաղան «Տանգոյով»
Ֆուտբոլի Եվրոպայի 2012 թ առաջնության եզրափակիչ մրցաշարի մասնակից թիմերը կխաղան «Տանգո-12» նոր գնդակով:
Այդ մասին տեղեկացնում է գերմանական Berliner kurier թերթը, որի լրագրողներին հաջողվել է նախապես պարզել Եվրո-2012-ի պաշտոնական գնդակի անվանումը: Ըստ լրատվամիջոցի վերջինիս ինքնարժեքը կազմում է 130 եվրո:
Նշենք, որ «Ադիդաս» ընկերությունը «Տանգո» անվանումով առաջին գնդակը արտադրել է դեռեւս 1978 թ, աշխարհի արգենտինական առաջնության համար:
Ի դեպ, նոր գնդակը հանրությանը կներկայացնեն դեկտեմբերի 2-ին, երբ Ուկրաինայի մայրաքաղաք Կիեւում տեղի կունենա Եվրո-2012-ի եզրափակիչ մրցաշարի վիճակահանության արարողությունը:
