A
A
Որ ինձ քիչ քննադատեն
Այսօր «Առնո Բաբաջանյան» համերգասրահում տեղի ունեցավ Հայաստանի 2011թ-ի Բարձրագույն խմբի առաջնության մրցանակաբաշխությունը: Ավարտին ելույթ է ունեցել ՀՖՖ նախագահ Ռուբեն Հայրապետյանը:
Նա նշել է, որ իրեն՝ որպես ֆեդերացիայի նախագահի, չի գոհացնում անցնող տարվա առաջնության որակը։ Հայրապետյանը կոչ արեց ակումբի նախագահներին այդ ուղղությամբ աշխատանքներ տանել։
«Սրտանց շնորհավորում եմ մրցանակակիրներին ու ցանկանում եմ նորանոր հաջողություններ, հատկապես՝ եվրոգավաթներում, որպեսզի մի փոքր քիչ քննադատեն ինձ, քանի որ ձեր վատ խաղի արդյունքում բոլոր մեղքերը բարդվում են ինձ վրա: Ֆուտբոլիստներին էլ մաղթում եմ առողջություն ու՝ վնասվածքներից զերծ մնալ»,-եզրափակեց Հայրապետյանը:
