A
A
Ադրբեջանական ամեն հանցանքի հետևից պետք է գնալ մինչև վերջ․ Թաթոյան (տեսանյութ)
Աջակցիր «Ա1+»-ինՀՀ մարդու իրավունքների նախկին պաշտպան, «Միասնության թևեր» կուսակցության վարչապետի թեկնածու Արման Թաթոյանը տեսանյութ է հրապարակել՝ կից գրառմամբ․
«2016թ. ապրիլյան պատերազմի ժամանակ մի շարք գործընկերների հետ Արցախում էի: Հիշում եմ, երբ հայտնաբերվեց ՊԲ մայոր Հայկ Թորոյանի մարմինը. նրան դաժանաբար սպանել էին ադրբեջանական զինվորականները` կենդանության օրոք կտրելով նրա աջ ձեռքը, հետո ձախ ձեռքն ու գլուխը:
Ադրբեջանական ամեն հանցանքի հետևից պետք է գնալ մինչև վերջ: Հայկ Թորոյանի գործով ՄԻԵԴ հունիսի 18-ի վճիռը կարևոր օրինակ է` հանուն մեր իրավունքների ու արդարության, և շնորհակալություն բոլոր նրանց, ովքեր այս գործով իրավապաշտպան աշխատանք են տարել:
Հայաստանին պետք է այնպիսի իշխանություն, որ նշված բոլոր գործերը դառնան Հայաստանի արտաքին քաղաքականության, կրթության և ազգային հիշողության կարևոր հիմքեր, որպեսզի պաշտպանենք մեր իրավունքները և կանխենք նման հանցագործությունների կրկնությունը»։
