Արոնյանը բաժանեց 3-5-րդ տեղերը
Բիլբաոյում վերջնագիծը հատեց 6 հեղինակավոր շախմատիստների մասնակցությամբ տեղի ունեցած տղամարդկանց շախմատի «Մեծ Սաղավարտի» եզրափակիչ մրցաշարը:
Ավարտական` 10-րդ տուրում Լևոն Արոնյանը 35-րդ քայլում սևերով խաղաղություն կնքեց առաջատարներից մեկի` Իվանչուկի հետ: Ստուգատեսի մյուս առաջատարը` Կառլսենն իր հերթին «ոչ-ոքի» խաղաց Նակամուրայի հետ:
Աշխարհի չեմպիոն Անանդն էլ այս տուրում կարողացավ պարտության մատնել իսպանացի Վալեխոյին եւ վերականգնել սասանված հեղինակությունը:
15-ական միավորով 1-2-րդ տեղերը բաժանեցին Իվանչուկն ու Կառլսենը: Նրանց միջև անցկացված կայծակնային խաղի լրացուցիչ մրցամարտում` թայ բրեքում 1,5:0,5 հաշվով հաղթեց Կառլսենը, որին էլ բաժին հասավ գլխավոր մրցանակը:
12-ական միավորով Արոնյանը, Անանդն ու Նակամուրան բաժանեցին 3-5-րդ տեղերը: Արոնյանը լրացուցիչ ցուցանիշներով ճանաչվեց 4-րդը, իսկ Նակամուրան գրավեց 3-րդ տեղը։
