Գագիկ Բեգլարյանը կալանավորվել է
Աջակցիր «Ա1+»-ինՏրանսպորտի եւ կապի նախկին նախարար, նախկին քաղաքապետ Գագիկ Բեգլարյանը մեկ ամսով կալանավորվել է։
Ինչպես «Ա1+»-ի հետ զրույցում նշեց նրա պաշտպան Հրանտ Անանյանը, Հակակոռուցիոն դատարանում խափանման միջոցի միջնորդության 6 ժամից ավելի տեւած քննարկումից հետո խորհրդակցական սենյակից վերադառնալուց հետո դատավոր Վահե Դոլմազյանը մասնակի է բավարարել նախաքննական մարմնի միջնորդությունը։ Նախաքննական մարմինը միջնորդել էր 2 ամսով կալանավորել նախկին պաշտոնյային։
«Դեղին քարտով է բավարարվել։ Բացարձակ կալանավորման հիմքեր չկային։ 7 տարի քննվող գործով առանց որեւէ նոր ապացույցի միջնորդություն էր ներկայացվել դատարան»,- հավելեց պաշտպան Հրանտ Անանյանը։
Պաշտպանական կողմը պատրաստվում է վիճարկել դատարանի որոշումը։
Հիշեցնենք, որ Գագիկ Բեգլարյանին մեղադրանք է առաջադրվել 2012 թ․ ենթադրյալ ապօրինի պաշտոնական դիրքի չարաշահման եւ առանձնապես խոշոր չափերի փողերի լվացման համար։ Նա չի ընդունում մեղադրանքը։
