A
A
Լեւոն Արոնյանը «ոչ-ոքի» խաղաց
Իսպանական Բիլբաո քաղաքում սկսվեց շախմատի «Մեծ Սաղավարտի» երկրորդ շրջանը:
6-րդ տուրում Արոնյանը սեւերով «ոչ-ոքի» խաղաց իսպանացի Ֆրանսիսկո Վալյեխոյի հետ: Մեր գրոսմայստերը վաստակել է 7 միավոր եւ ամերիկացի Հիկարու Նակամուրայի, նորվեգացի Մագնուս Կառլսենի ու հնդիկ Վիշվանաթան Անանդի հետ բաժանում է 2-5-րդ տեղերը:
Աղյուսակը վստահ գլխավորում է ուկրաինացի գրոսմայստեր Վասիլի Իվանչուկը, որն իր ակտիվում ունի 13 միավոր: Հիշեցնենք, որ սույն մրցաշարում միավորները հաշվում են ֆուտբոլի նման՝ հաղթանակի համար շախմատիստը վաստակում է 3 միավոր, «ոչ-քիի» համար` 1:
Այսօր կայանալիք 7-րդ տուրում Լեւոն Արոնյանը կխաղա Մագնուս Կառլսենի հետ՝ սպիտակ խաղաքարերով:
