Իրանի ԱԳՆ խոսնակ Էսմայիլ Բաղային հայտարարել է, որ Հորմուզի նեղուց-շին վերաբերող ցանկացած մեխանիզմ պետք է համաձայնեցվի Իրանի, Օմանի և տարածաշրջանի մյուս երկրների միջև, իսկ ԱՄՆ-ն դրա հետ «ոչ մի կապ չունի»։

 

Նրա խոսքով՝ Թեհրանն այժմ կենտրոնացած է ԱՄՆ-ի հետ փոխըմբռնման հուշագրի վերջնականացման վրա։ Ավելի վաղ իրանական կողմը հայտնել էր, որ բանակցություններից հետո կողմերի դիրքորոշումները մոտեցել են, իսկ առաջարկվող տեքստում ամրագրված է Իրանի հիմնական պահանջը՝ պատժամիջոցների վերացում։

 

ԱՄՆ-ի հիմնական պահանջներից մեկը հենց հարստացված ուրանի դուրսբերումն է Իրանից։ Դեռ պարզ չէ, թե Վաշինգտոնն ինչպես կարձագանքի Թեհրանի դիրքորոշմանը։

 

ԱՄՆ նախագահ Դոնալդ Թրամփն ավելի վաղ չէր բացառել Իրանի դեմ ռազմական գործողությունների վերսկսումը, եթե կողմերը չհասնեն համաձայնության։