Խորոված փարթի Ամիրյան փողոցում (տեսանյութ)
Աջակցիր «Ա1+»-ինԱռավոտից մարդաշատ է Ամիրյան փողոցը, որտեղ արդեն մեկնարկել է վարչապետ Նիկոլ Փաշինյանի հայտարարած «խորոված փարթին»` Քաղաքացու օրվա առիթով։
Քաղաքացիները հավաքվել են Հանրապետության հրապարակ տանող հատվածում՝ ձեռքերում Հայաստանի Հանրապետության դրոշներ, կրծքերին՝ կրծքանշաններ, որից կրում է նաև Նիկոլ Փաշինյանը։
Տարածքում հնչում է երաժշտություն, մարդիկ պարում են։
Խորովածը վաճառվում է։ Տարբեր ռեստորաններ են ներկայացել իրենց տաղավարներով։ Ինչպես նշեցին տաղավարներից մեկում` այս միջոցառմանը մասնակցելու համար վճարել են.
« Խորովածը, այո, վաճառում ենք, իհարկե տարիքով մարդիկ կան, որ հյուրասիրում ենք, բայց ընդհանուր առմամբ՝ վաճառում ենք, որ տեղի գումարը տանք»։
Խորովածը վաճառվում է 1600 դրամից սկսած։
Միջոցառումը մեկնարկել է օրվա առաջին կեսից, որին կարող է միանալ ցանկացած քաղաքացի։
Տոնական ծրագրի շրջանակում կենտրոնի մի շարք փողոցներում ժամանակավորապես սահմանափակվել է երթևեկությունը՝ անվտանգությունն ապահովելու նպատակով։
Օրվա ավարտին, ժամը 20:00-ին, Հանրապետության հրապարակում կկազմակերպվի համերգային ծրագիր՝ ամփոփելով Քաղաքացու օրվա միջոցառումները։
Քաղաքացու օրը տոնացույց մտել է 2018թ հեղափոխությունից հետո։
