ԿԳՄՍ նախարարը ծնողներին հրավիրում է երկխոսության

ԿԳՄՍ նախարար Ժաննա Անդրեասյանը սոցցանցի իր էջում գրել է․

«Սիրելի ծնողներ, պլանավորում եմ առաջիկայում ձեզ հետ հանդիպումներ ունենալ, լսել առաջարկներն ու հարցերը, երկխոսության միջոցով քննարկել մեր ընդհանուր անելիքները, հատկապես որ ցանկացած աշխատանք կրթական համակարգում բավարար արդյունավետ չի, եթե համատեղ չի ծնողի և ընտանիքի հետ։

Հանդիպումները կկազմակերպենք յուրաքանչյուր մարզում և Երևանում, դրանց կկարողանան մասնակցել տարբեր դպրոցների հետաքրքրված ծնողներ։ Խնդրում եմ հետևել, հանդիպումից առնվազն մեկ շաբաթ առաջ կհայտարարենք վայրն ու ժամը՝ հնարավորություն տալով գրանցվել»։