Բացել լրահոսը Փակել լրահոսը
A A

«Տեքստիլ» ուղղությամբ վերապատրաստման դասընթացներ՝ ՄԿՈՒ հաստատությունների մանկավարժների համար

Հասարակություն

Հոկտեմբերի 15-ից մեկնարկելու են արհեստագործական և միջին մասնագիտական կրթական ծրագրեր իրականացնող ուսումնական հաստատությունների՝ «Տեքստիլ» ուղղությամբ ատեստավորման ենթակա մանկավարժական աշխատողների վերապատրաստման դասընթացները:

 

«Տեքստիլ» ուղղությամբ վերապատրաստման դասընթացներն իրականացնելու են Հայաստանի ազգային պոլիտեխնիկական համալսարանի Գյումրու մասնաճյուղը և ԱՏԵՔՍ նորաձևության կենտրոնը:

 

ՄԿՈՒ հաստատությունների մանկավարժական աշխատող չհանդիսացող մանկավարժները վերապատրաստման դասընթացին կարող են մասնակցել միայն սեփական միջոցներով:

 

Վերապատրաստման ենթակա մանկավարժական աշխատողների գործերի ընդունումն իրականացվելու է մինչև 2025 թվականի հոկտեմբերի 9-ը՝ ստորև ներկայացված և մանկավարժի կողմից նախընտրելի կազմակերպության կողմից: Լրացուցիչ հարցերի դեպքում պետք է դիմել վերապատրաստում իրականացնող ներքոնշյալ կազմակերպություններին.

 

· «Հայաստանի ազգային պոլիտեխնիկական համալսարան» հիմնադրամի Գյումրու մասնաճյուղ

հասցե՝ ՀՀ Շիրակի մարզ, ք. Գյումրի, Մ. Մկրտչյան 2,

հեռ.՝ +374 94 49 29 86, էլ․հասցե՝ [email protected]

 

· «ԱՏԵՔՍ նորաձևության կենտրոն» ՓԲԸ

հասցե՝ ք. Երևան, Կոմիտաս 12/1,

հեռ․՝ +374 91 99 84 92, էլ․հասցե՝ karinа[email protected]

 

ՀՀ ԿԳՄՍՆ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԵՎ ՏԵՂԵԿԱՏՎՈՒԹՅԱՆ ՎԱՐՉՈՒԹՅՈՒՆ